Freelance Falcon ~ Weird Jhola-Chhap thing ~ ज़हन
- Mohit Sharma (Trendy Baba / Trendster)

Thursday, July 29, 2010

Kadr

Ye kavita samarpit hai Theater kay mehanti kalakaaro ko, jinki lagan aur mehnat atulniye hai.

Mehnati kalakaaro se bana 'Daksh Theater' tha ussi se aabaad,
Shayad isliye sab usse kehte thay 'Ustad'.

Ye unki mehnat ka hi tha kaam,
Daksh Theater ka saare kasbe mey ho gaya naam.

Sabhi kalakaar kar rahe thay jee jaan se tayyari,
Ab bade shehar mey jo thi unke pehle show ki baari.

Josh se bhari thi theater ki unit saari,
Din raat rehearsals kay daur thay jaari.

Ustad par to jaise sabhi zimmedari ka bojh aa barpa,
Kahin hoti samvaado par characha,
To kahin badhta stage design ka kharcha.

Abhinay, poshak, sangeet ya ho kala,
Lakshya ki aur badha ek ek paksh tha,
Ye theater wakai 'Daksh' tha.

Natak kay manchan ka din bhi aaya,
Pehla drashya sunane kay liye manch par Ustad nay bhav banaya,
Par naa jaane kya dekhkar wo kuch bol nahi paaya.

Peeche se saathiyo ki awazein aane lagi.

"Ustad, kuch bolo, kya ho gaya ?"

Ustad - Kiske liye bolun...dosto, humey koi dekhne nahi aaya.

No comments:

Post a Comment