Freelance Falcon ~ Weird Jhola-Chhap thing ~ ज़हन
- Mohit Sharma (Trendy Baba / Trendster)

Thursday, July 29, 2010

Nazarband

Marr gayi har tamanna,
Dab gayi har ichchha,
Jab udne ki hui chahat,
Bandishon nay di dastak.

Jab honay lage ladki jawaan,
Shaadi se rook diya jaata hai uske armaano ka kaarwan.
Humare samaj ki ye kaisi reet bani ?
Kya ladki ki apni nahi koi zindagi ?

"Par buraai kya hai,
Ladka achchha to hai."

Arre, virasat kay peheredaaro,
Jalan kay maare rishteydaaro.
'Usse' ek mauka to diya jaaye.
Shayad ye ladki uss achchhe ladke se behtar kar dikhaye.

"Ladkiyon ko bandishon mey rehna chahiye,
Ladki to hai dhan paraya."
Dahej, utpeedan aur nari ko dabane kay liye,
Aisi baaton ka sadiyon se liya jaata raha hai sahara.

Jab apne desh kay "Aadhe Hisse" ko uska sahi haq mil jaayega,
Tab ye desh sahi maayno mey saare jahan se achchha ban jaayega.

No comments:

Post a Comment