Freelance Falcon ~ Weird Jhola-Chhap thing ~ ज़हन
- Mohit Sharma (Trendy Baba / Trendster)

Thursday, July 29, 2010

Stampede....Ruko!





Stampede yaani Bhagdud jo zyadatar kisi chhoti baat ya afvaah se bhayankar roop lekar kai logo ki jaan leel leti hai hai. Aisi baatein oochhe maksado kay liye jaan boojh kar bhi ki jaati hai. Iss baar aap logo se koi guzarish nahi hai kyoki mai jaanta hun ki yahan sabhi saaf dil kay hai......bas itna kahunga ki kisi afvaah ko khud se guzar kar doosro tak mat pahunchne dijiye.

Stampede -

Dekho kisi kay jigar ka tukda chhina,
Dekho koi bejaan bana,
Dekho ye manzar...dabi, kuchli laasho se sana.

Suno ye cheekh pukaar,
Apno kay liye apno ki cheetkaar,
Sungho khoon ki sadandh,
Gino kitni laashein gaye tum laangh.

Phhod do bombs.....ya faila do afvaah,
Kahan jaati hai yumhari ye raah?

Dekh wo parivaar,
Jiska har sadasya gaya zindagi haar,
Uss loothade ko dekh,
Wo tha ek bachcha pyara,
Jiski maa nay usse abhi tak apni godd se nahi tha utara,

Apne matlab kay liye koi inn laashon se aankhein saik raha,
Hai kya koi jo ye sab dekh raha?

Koi dekhta kyu nahi?
Koi sunta kyu nahi?
Koi mehsoos kyu nahi karta?
.....Koi kuch karta kyu nahi?

No comments:

Post a Comment