Freelance Falcon ~ Weird Jhola-Chhap thing ~ ज़हन

Wednesday, July 31, 2013

Erectile Dysfunction Bitches !” (18 +) – Author Mohit Trendster

“Erectile Dysfunction Bitches !” (18 +) – Author Mohit Sharma Trendster

December 11, 2013 at 11:53 am (Uncategorized) · Edit

“Erectile Dysfunction Bitches !” (18 +)
(Mohit Sharma)
*Mature Content 
14th Century Asian Era/Backdrop
*Freelance Talents Quarter Finals Winning Entry against Author Deven Pandey
Kabhi bade shetra aur kuch desho mey faila hua Yabari Dharm ab ek chhote desh Revanda tak simat kar reh gaya tha. Jiski wajah tha apne dharm ki aad lekar chhote rajyo ko hatiya raha Zehrab desh ka mool Shashak Illumnaat. Uske andhe samarthak (jinki samkhya sainik varg mey adhik thi) kisi tark ko nahi maante the aur chahte the ki duniya ka har vyakti sirf unka hi dharm Jirawo apnaye.
Doosre dharmo k Dharm Guruon ko Illumnaat ke isharo par ya to unke prabhav shetro se bhagaya jaa raha tha, khaareda jaa raha tha ya maara jaa raha tha. Illumnaat ye chhadm sandesh failana chahta tha ki Jirawo k alawa sabhi dharmo aur Zehrab shashit rajyo k alawa sabhi rajyo mey arajakta, paap ka mahaul tha aur Jirawo paalan karne se hi in buraiyon se bacha jaa sakta tha.
Illumnaat ka mukhya salahkaar Vardah ek kutil vidhvaan tha jo dharmo aur rajyo ka achchha jaankar tha. Wo aur Illumnaat jaante the ki janta ko kisi Ishwariye Prateek se hi daraya jaa sakta hai aur us Bhagwan ki aad mey apne mann ka kaam liya jaa sakta hai. Halanki, Illumnaat ki nitiyan chhadm thi par dharm guruon mey ye sandesh jaa chuka tha ki unke virudh gehra shadiyantra chal raha hai.
Yabari k sabse bade Dharm Guru Yabanov bhi ek sabha mey apni simat rahi pariniti par chintan mey doobe the, ki tabhi unki sabha mey ek yuva shishya ne sawal rakha.
“Mahan Yabanov! Dharm k naam par aaj tak bas maar-kaat hi dekhi hai. Kya sirf yahi dharm ka maksad hai? Agar aesa hai to Nastik log kisi bhi dharm ko maanne waalo se behtar aur shaanti priye hue?”
Yabanov muskuraye, unhe us yuva shishya ki imaandaar jigyasa achchhi lagi kyoki aksar ya to unhe Yabari dharm k liye ladne marne ki baat karne wale samarthak milte the ya unke auhde k darr se aesi jigyasayen hote hue bhi naa puchhne wale samarthak jo unko hi Bhagwan ka roop maante the.
Yabanov – “Shaanti aur vyavhar ka dharmik hone ya na hone se zyada vyakti ki parvarish par nirbhar karta hai. Kisi dharm ki neev galat nahi hoti. Galat hote hai uska apne matlab anusaar arth nikal kar dushprachar karne waale bade neta, pracharak aur dharm guru. Samay k saath dharm ki wo pavitr neev to kahin bhula di jaati hai par Upar waale k naam se darne wale kuch anuyayi bach jaate hai jo adhure gyan k saath aur sadiyon se chali aa rahi galat paramparaon ki raksha k aadambar mey jeevan k asli udeshyon se bhatak kar arajakta failate hai, paap karte hai.
Dharm logo ko sangathit karne ka ek zariya hai. Ab ye sangathit shakti sahi disha mey jaati hai ya galat ye is par nirbhar karta hai ki wo dharm sadiyon ki jhuthti paramparon par tika hai ya shuruat se bani uski neev par jo samay k saath manavta k vikas k liye khud mey badlaav hone layak lacheelapan rakhti hai.”
Yabari dharm ka ek baar phir se badhta daayra Illumnaat k saamne chunauti pesh kar raha tha. Salahkaar Vardha bhi is shaanti priy dharm k badhte prabhav ko rokne k paksh mey tha kyoki dharm ka jo hathiyaar Illumnaat isteymaal kar raha tha wo kisi aur dharm k badhne par kunnd pad sakta tha. Yabari k badhne ki mukhya wajah Yabanov the jo dharm prachar karne k liye aksar apne rajya ki seemao k paas shivir lagate the jinme bhaari bheed jut ti thi aur unhe badi sankhya mey naye Yabari anuyayi milte the.
Ek seemavarti gaon mey aese hi shivir k dauraan padosi rajya ka ek doot sandesh laya ki Illumnaat ki aakramak nitiyon par yojna banane k liye bache hue kuch chhote dharmo ke adhyaksho aur mukhya anuyayiyon  ki ek gupt sthaan par saiyukt baithak hai. Yabanov apne darjan bhar prabhavi santo aur purohito ko saath lekar Yabari dharm ka pratinidhitva karne us rajya mey nishchit gupt sthaan par pahunche jahan unhe kuch aur dharmo k astitva k liye sangharsh kar rahe dharm guru aur mahant-purohit, anuyayi mile.
Sabha shuru hui sab upasthit hastiyon ne apni yojnayen aur nitiyan samooh k saath baanti. Yabanov ne bhi aane wale samay k liye apni nitiyan baithak mey sabhi ko batayi. Abhi baithak chal hi rahi thi ki us sabha par naqabposh sainik tukdi ka hamla ho gaya jisme sabha k bahut se sadasya mare gaye. Sainik se sant bane Yabanov ne us baithak k sadasyon ki raksha k liye talwar utha li par hamlavaro ki sankhya zyada thi jiski wajah se thode sangharsh k baad unhe andhere mey bhaagna pada. Pata chala ki us padosi rajya k shashak aur dhram guru ko Illumnaat ne khareed liya tha aur ye bache hue dharm guruon ki sabha karva kar unki hatya karvane ka shadiyantra usi ka tha.
Zakhmi Yabanov ne apne saath bhaag kar bache logo ko dekha to unme Yabari k 6 sant aur anuyayi, Prentak Dharm k ek Dharm Guru Swahil, 3 Prentak sant aur unka wo yuva poorv-shishya jo ab Nastik ban chuka tha aur sabha mey aastik logo k tabke ka pratinidhitva kar raha tha bache. In sabne jungle se sate ek gaon mey sharan li.
Yabanov ko paristhiti anusaar apni niti mey badlaav karne pade. Ab unhe bhi chhadm rehkar apna dharm prachar karna tha. Unke aade aa rahi thi ek cheez ki jab koi chhup kar rehta hai to uska dushman uske bare mey lagataar afwahen faila sakta hai jinme se har kisi ka jawab dena sambhav nahi…..jawabo k abhaav mey samarthako mey sandeh badhta hai aur samay k saath wo doosre dharm ya neta ka rukh kar lete hai. Illuminaat ke failaye dhongi netao, Guruon ki afwahon ne janta mey sandeh k beej bo diye the.
Yabanov aur Swahil k dharm alag the par vichar mel khaate the. Dono mey aadhyatmik vishyo aur apne anubhavo par lambi baat-cheet hoti thi. Ek doosre k liye dono ka samman badh raha tha. Yabanov k paas apne dharm ka pavitr pracheen granth tha jo har peedhi k saath mukhya dharm guru ko di jaati thi. Yabari logo ki is kitaab aur apne mukhya dharm guru mey aseem shraddha thi. Manyata thi ki ye kitaab jab tak surakshit rahegi tab tak Yarabi Ishwar apne anuyayiyon par kripa rahegi. Chhoti afwahon ka asar logo par utna nahi hua par Yabanov ki anupasthiti mey ek badi afwah failayi gayi ki Yabanov ne ek veshya k saude mey ye pavitr kitaab doosre dharm k hawale kar di jinhone ye kitaab milte hi isko jala diya.
Yabanov tak jab ye baat pahunchi to unhone nishchay kiya ki wo apni gatividhiyan badhate hue sthaniye melo, gram sabhao mey apni jaan ka jokhim lete hue Pavitr Kitaab k saath logo k saamne aayenge. Unke poorv shishya Fromos jo us dal mey ekmatr nastik tha ne unhe sujhav diya ki kitaab ki pratilipiyan banakar rakhen taaki agar kitaab nasht ho jaaye to janta ka vishwas bana rahe aur jahan Yabanov na jaa paye wahan unke shihsya-sant pratilipiyan lekar jaaye. Din beete aur Yabanov ne pavitr kitaab ke saath abhi kuch hi jagah darshan diye the ki ek raat unhone shor suna.
Unhone mashalon ki roshni mey dekha ki Prentak k ek anuyayi ko Fromos maar raha tha uske aas-paas hi kuch lashen padi thi jinki shinakht mushkil thi. Yabanov ne chinta mey idhar udhar dekha unhe dekh kar raahat mili ki Swahil zinda the aur saath hi unke shivir mey so rahe 2 Yabari anuyayi bhi. Peeche se gaon waalo ki bheed aa rahi thi. Fromos aur Yabanov ki nighahen mili aur phir afra tafri k mahaul mey Fromos gayab ho gaya. Wahan 7 lashen thi jinme se 3 par Prentak aur 4 par Yabari santo k kapde the, unke chehre aur shareer chaku ya pathar se kuche gaye the. Nishkarsh nikala gaya ki Nastik Fromos ne Prentak aur Yabari k santo mey matbhed faila kar dono ko ladva diya aur jo bach nikle unhe khud maar diya jinme se ek katl Yabanov aur Swahil ne dekha bhi tha. Par Yabanov ko Fromos ki nazron ne kuch aur kaha tha, Yabanov k liye ye sachchai maanna mushkil tha, pavitr kitaab bhi gayab thi uski pratilipiyan abhi ban bhi nahi paayi thi. Yabanov ne sab gaon walo ko dilasa dete hue kaha ki kitaab surakshit hai aur kuch samay tak jungle k is shetra mey na aayen kyoki is tarah wo jagah-jagah ghoom rahe jasooso ya sainiko ki nazar mey aakar sandeh badha sakte hai.
Saavdhani k liye lasho ko bistarbandhon mey bandh kar naqabposho k hamle mey bache 12 mey se ab 4 log sudoor junglon mey chale gaye. Yabanov ki ichha thi ki bade santo ki lasho ki antim kriya sabhi reeti rivajo k saath ho isliye sabki ichchha k viruddh jaate hue unhone lasho ko dho kar chalte rehne ka nirnay liya. Yabari mey lasho ko dafnane ka sabse paavan samay poornima ki raat maana jata hai jisme Yabari pavitr kitaab k anusaar farishte chaand ki sheetal kirno k zariye apni lash ya sad rahe avshesho k aas-paas bhatak rahi aatmao ko lene aate hai. Poornima aane mey abhi poore 6 din the, ek gaon wala khabar laya ki sainiko k ek tukdi ne elaka chinhit kar liya hai aur wo jungle mey ghus chuke hai. Khatre se door hone k liye lasho ko dhote hue wo log lagataar bhagte rahe aur 4 dino baad unhone ek pahadi gufa ki sharan li.
Prentak dharm guru Swahil apne saathiyon k maare jaane se bahut dukhi the. Unhone apne mrit santo ki aakhri ichchha anusaar unke shav pehle hi Prentak anuyayiyon k liye pujniye nadi Ridyel mey baha diye the. Par ab bhi wo 4 log durgam sthitiyon mey Yabari santo k 6 shav dho rahe the jo ab sadne lage the aur unki badbu badh rahi thi. Is palayan mey gaon waalo se mili rasad peeche chhut gayi thi. Lagataar bhaagne se dimaag aur shareer kund pad rahe the.
Guru Swahil itni vedna, thakaan aur bhookh jhel nahi paaye wo behosh ho gaye. Jab wo hosh mey aaye to unhe Guru Yabanov ne nadi ka paani pilaya aur khaane ko pakaya hua maans diya. Swahil ko jaise khazana mil gaya ho dino ki bhookh mitane ko wo maans khane lage. Thoda kha lene k baad usne dekha ki Yabanov udaas baithe hai aur unke 2 anuyayi sankoch se unhe dekh rahe hai.
Swahil sthiti bhaamp kar dheeme swar mey samjhate hue bole –
“Hum logo par bahut jeevan nirbhar hai, mai jaanta hun aap logo ka dharm maansahar ki ijazat nahi deta. Par wo to mera bhi nahi deta, abhi hum log mar gaye to ye baaten aage hazaro lakho logo tak kaun pahunchayega?”
Yabanov ka chehra aur swar sakht ho gaya, “Meri taraf mat dekho santo, mai zinda reh lunga. Kachcha maans mat khao. Prentak Guru Swahil ki tarah paka hua maans khana shuru karo. Khud ko zinda rakhna hai….”
Par dono anuyayi apna sar jhukaye bilakh bilakh kar rone lage.
Yabanov – “Lagta hai tum dono aese nahi maanoge, ye dekho Mai! Tumhara dharm guru ye maans kha raha hai. Ab khao….Santo…Yabari k naam par khao…shayad upar waale ki yahi marzi hai.”
2 din bhar pet khaane k baad Yabanov aage ki yojna par vichar karne lage santo k saath.
Swahil – “Laashen kahan hai? Kya aap logo ne lasho ki antim kriya kar di? Par poornima to aaj hai.”
Swahil ko jab sach pata chala to wo nishabd hokar zameen par baith gaye. Unki behoshi kuch ghante ki thi jis dauraan 3 lashen bhediyon ka jhund utha le gaya tha jinhe kamzor pad chuke Yabanov aur 2 sant rok nahi paaye. Kisi tarah aag jalakar jungli jaanvaro ko bhagaya. Yabanov ne aakhri bachi lash ka maans paka kar Swahil ko diya….taaki wo zinda reh saken, ye sab dekh kar apne bhagya ko kos rahe 2 anuyayiyon ka sankoch mitane k liye unhone khud bhi apne hi shishya-sant ka maans khaya.
Swahil ne Yamanov ko bataya ki Jungle ki pashchimi disha mey Illumnaat k Zehrab desh k paas 2 jungli kabile Prentak dharm ko maante hai wahin se surakshit reh kar kuch dino tak Illumnaat k viruddh apna abhiyaan chalaya jaa sakta hai. Yabanov ne lasho ko lekar bhaagne mey raaste bhar mehsoos kiya ki koi unhe dekh raha hai par ye aniyamit sone aur khaane k lakshan bhi ho sakte the isliye zyada dhyaan nahi diya. Phir se jaan jokhim mey daalte hue wo log durgam jungle, pahadon se guzarte hue jab kabile se sirf kuch ghanto ki doori par reh gaye tab un logo ne aaram karne k liye apna shivir dala par wahan bhi durbhagya ne dastak di aur dono Yabari santo ko saanp ne kaat liya aur unki maut ho gayi. Unke Muh se nikalte jhaag dekh kar Yabanov ka dhairya toot gaya aur  wo dahade maar kar krandan karne lage. Wo unhe asahay se dekh rahe Guru Swahil se lipat kar rone lage. Swahil ne unhe santvna di aur dono ne phir kabilo ki taraf ka safar shuru kiya. Aakhirkar dono un kabilon par pahunche.
Ummeed se ulat achanak Nastik Fromos ne ek baar phir hamla kiya, is baar Swahil ghayal hue aur is se pehle ki unpar Fromos dwara gambhir vaar hota Yabanov ne unki puar sun peechhe se Fromos ko zakhmi kar diya, jab tak kabile waale aate tab tak Fromos faraar ho chuka tha.
Usi din kabile mey bahut se sainik aaye aur unhone Yabanov ko giraftaar kar liya. Jabki hasta hua Swahil aur dono kabile ye tamasha dekh rahe the.
Swahil – “Illumnaat k mukhya salahkaar Vardah ka abhinandan swikar kijiye, Guru Yabanov….ha ha ha ha….”
Yabanov – “Itna bada chhal? Par kyu Swahil?”
Swahil (Vardah) – “Tujhe to hum kabhi bhi yun hi masal dete par teri shakti tera dharm hai, teri chhavi hai. Marna tujhe amar farishta bana deta. Ek Yabari hi dharm hai jispar humey paar pana tha baaki to yun hi kuchle jaate. Par Yabari k uday se kukurmutto ki tarah bagawat ki aandhi jagah-jagah failne lagi. Log humpar prashn karne lage….aur prashno k uttar dene mey mai bachpan se kachcha hun. Humey teri maut nahi, tere dharm ki maut chahiye taaki ye vidroh k badal eksaath chhant jaaye. Tere naam ka isteymaal kar bada prachar kar diya hai hum logo ne ki wo vaishya waali afwah sahi thi aur na tere paas Yabari ka pavitr kitaab hai. Ab teri saarvjanik maut k saath Jirawo aur Zehrabmay ho jayega.”
Yabanov – “Oh…Fromos…”
Swahil – “Haan, Nastik Fromos ne bada pareshaan kiya. Tere sant maar dene k baad unki lashen jagah- jagah se kuch di thi aur unhi k saath gaon k 3 logo ki lasho ko Prentak anuyayiyon yaani mere gupt-charo ki poshak pehna kar waise hi kuch diya gaya jagah jagah se. Par Fromos ko bhanak lagi aur usne mere 2 guptchar maar daale aur teesre ko hum dono k saamne ghayal kar diya, in teeno ko andhere ki aad mey maine hi chhupa diya. Kuch batane se pehle Fromos ko bhi bhaagna pada. Beech safar mey Fromos ek – do baar humare paas tak aaya par maine raste badal liye, aakhir mey jab kabile k paas usne hamla kiya to meri kismat achchhi rahi aur uski buri. Wo granth jungle ki mutbhed mey Fromos le uda…par kitab ka uske paas rehna ya jal jana ek hi baat hai…aakhir wo aastik jo thehra.”
Kuch dino baad us “Niyati Divas” par Zehrab ki rajdhani Jirawan mey lakho logo ki bheed lag gayi jo Illumnaat aur Vardha ki baaton par vishwaas nahi kar paa rahe the ki Yabanov ek dhongi, kroor-paapi Dharm guru tha jo aiyyash tha, jisne ek veshya k liye Yabari k pavitr granth ko bhi bech diya. Ye jaan kar kai chhoti-badi afwahon se pehle se hi sandeh mey doobe log Jirawo dharm apna lenge.
Illumnaat – “To kaise maare Yabanov ko? Koi tadapne waali dheemi maut theek rahegi taaki wo jan samooh k saamne dard se cheekhta rahe aur ye lage ki Yabari k bhagwan apne sabse bade anuyayi ko bhi nahi bacha paa rahe?”
Vardah – “Samrat! Aapko ek sujhav dena chahunga. Yabanov ko maanne waalo ki sankhya bahut hai, buddhe ne itne achchhe kaam kar rakhe hai jeevan bhar ki logo ko ab bhi shaq hai ki humne afwahen failayi hai, Yabanov ko zabardasti bandi banaya hai aur khud hi Yabari ka granth jala diya hai. Uske liye maine khaas saza sochi hai….Top se udana, shero ka bhojan banvana ya jala dena to aam saza ho gayi, maine kuch rajyo k adhyan mey dekha ki wahan fansi ki saza prachlit hai aur us se judi ek khaas baat bhi…..”
Us nishchit din Illumnaat k kile k upar Vardah aur Illumnaat maujood the. Bheed apne aadarsh Yabanov ko bandha dekh asmanjas mey thi. Tabhi bhompu pakde Vardah ne granhit swar mey bolna shuru kiya.
Vardah – “Ek taraf Yabari hai jo dushto ka dharm hai, paapiyon ka dharm hai. Wahan k dharm guru manav maans khaate hai, kaali sadhnayen karte hai, khooni hai, aiyyash hai…sirf ek vaishya k liye inhone peedhiyon se chala aa raha apna pavitr granth tak bali chadha diya. Ek taraf hai Illumnaat, Zehrab ka Jirawo jo pavitr hai, humey achchhai k marg par chalne ko prerit karta hai, doosro ki madad ko prerit karta hai, jiska Ishwar paapiyon ko dandit karta hai aur aaj ek aesa hi paapi unke darbaar mey dandit hone aaya hai. Ab ye aap par hai ki aap Yarabi jaise dushto k dharmo ko chunte hai ya paavan Jirawo ko….”
Apni taraf se soche gaye manghadant apradho aur sabooton, gawahon k bal par ye kehkar Yabanov ko fansi ki vedi tak laaya gaya ki aage ka saboot khud Jirawo k Ishwar denge.
Faansi hone par kuch der chhatpatane k baad Yabanov ka shareer shithil pad gaya aur unka guptang sakht ho kar khada ho gaya aur uske aas-paas kapdo mey thoda geelapan aa gaya.
*Death Erection/Angle Lust
A death erection is a post-mortem erection observed in the corpses of men who have been executed, particularly by hanging (90%).
Vardah ki to jaise mannat poori ho gayi.
“Dekha aap logo ne Jirawo ke Ishwar ne dikha diya ki wo Yabari jaise dooshit dharmo k ishwaro se behtar hai. Yabari k Dharm Guru ki jaan nikalne k baad bhi Vasna uske shareer mey basi reh gayi aur us paapi ka guptang khada ho gaya…ye humare Ishwar ki jeet ka sanket hai.”
Janta niruttar aur avak thi.
मिली बरसात ज़मी से तेरी महक लायी,
क़ुदरत भी सीख गयी इंसानों सी रुसवाई.
देखी हर रस्म सरे-आम पस्त होते हुए,
कितने ज़हरीले लफ्ज़ ज़ेहन मे पेवस्त होते हुए.
हुयी जो रौशनी कम तेरी यादों से नम आँखों मे,
उसको भी मौसम की धुंध मान लिया…
दरो-दिवार रंगी कालिख से शहर वालो ने,
उसी कालिख से शहर भर मे तेरा नाम लिखा….
दहशत के दौर में लगे बंदे ईमान ढकने ..
सराय में लगे ऊँचे अल्फाज़ बिकने।
इल्म था की जंग बराबरी की होगी …
सामना हुआ तो हम मज़हबी निकले …वो मतलबी निकले।
खुदा को अर्जी दूँगा की हर फकीर की मौत का दिन उस से भी बाँट ले ….
हमे जन्नत जल्दी जाने मे कोई हर्ज़ नहीं है …
पर किसी फ़कीर के छोड़े अधूरे कामो का दुनिया मे कहीं मर्ज़ नहीं है।
मुद्दत से दौड़ा किये जिस जन्नत सी मंजिल की ओर,
पहुँचने पर एहसास हुआ की सफ़र मे साथ लगी धुल ने उसको बेनूर किया.
और जाना की दस्तूरो ने हमेशा झूठ  कहा…..
रास्ता तो बिन बोले ही धूल बनकर साथ हो लिया….
ओर एक ये मंजिल है जो पास आने पर बहाने बनाती है!
मुद्दत से हमने ख्वाबो  को देखना छोड़ दिया,
कटीली राहों पर हर कदम ने रंगीन निशान छोड़ दिया.
मंजिलो के सामने मुकद्दर मुकर गया,
ज़माने को साथ लेने के इंतज़ार मे ज़माना ही गुज़र गया!
जशन की आड़ मे रुखसत हुआ…साजिश थी मेरी,
बिना रुलाये तुझसे हाथ जो छुड़ाना था!
मुड़ा जो तुझसे तो खुदगर्ज़ क्यों मान लिया?
ये भी एक जरिया है गम को छुपाने का!
Kile k kone se ek aur aawaz goonji.
“Haan! Yabanov dhongi tha isliye jab usne sapne mey apna antim samay dekh liya to  pashchyatap mey usne mujhe Dharm Guru banaya tha. Iska saboot hai ye Yabari ka pavitr granth jo mere paas hai. Mai hun Yabari ka dharm guru….aur mera ishwar dusht nahi hai. Dusht Illumnaat aur uske anuyayi hai. Iska saboot mey khud fansi par latak kar dunga…”
Yeh Fromos tha jo poori taiyaari k saath aaya tha. Is se pehle ki kile k sainik us hisse tak aate, Fromos rassi k sahare teele par banaye ek manch par pahuncha jahan usne pehle hi fansi kaintezaam kar rakha tha.
Wo ab bhi nastik tha par apne aadarsh Guru Yabanov k saath hui nainsafi se usme pratishodh ki bhavna thi aur bewakoof-andhi janta ko Vardah, Illumnaat aur Jirawo ki jagah Yabari jaise dharm ka anuyayi banta dekhna zyada behtar tha. Kabile k paas Vardah par kiye hamle mey nakaam hone k baad wo chhup gaya aur kuch dino baad avsad mitane vaishyalay chala gaya, jahan use pata chala ki “Swahil” (Vardah) ki raksha karne waale Yabanov ki talwar se lagi chot se aesa asar hua ki ab uska guptang kabhi khada nahi ho sakta.
Logo ne us manch ko gher liya aur koi kuch samajh paata is se pehle hi Fromos ne khud ko fansio laga li…par is baar uska guptang khada nahi hua.
Fromos k aakhri shabd the – “Erectile Dysfunction Bitches!”
Janta wo pavitr granth dekh aur Fromos ki sthiti dekh dange par utar aayi aur thode sangharsh k baad Yabari samarthako dwara Illuminaat ka takhta palat kiya gaya.
*Erectile dysfunction is sexual dysfunction characterized by the inability to develop or maintain an erection of the penis.
The End!

Thursday, July 25, 2013

Mohitness {मोहितपन} Nominated: IB Awards 2013

Mohitness nominated (3 categories) for The Indian Blogger Awards 2013. Jury Members are Celebrities Ad Gurus, Authors, Actors, Musicians like Gul Panag, Roshan Abbas, Seema Dawar, Amrish Kumar, Rajiv Makhni, Karthika VK.....and many more. 













Indi Blogger Entry Nomination Weblink :
  http://www.indiblogger.in/iba/entry.php?edition=1&entry=53529

Wednesday, July 24, 2013

Indian Comics Fandom Magazine



Author Mr. Mayank Sharma with Legendary Artist Late Bedi ji (Famous for Bankey Lal Series)

First Issue : October 2012

Latest Issue (Indian Comics Fandom - Vol. 6) : May 2013

Upcoming Issue : Indian Comics Fandom (Vol. 7) - Regional Comics Special.

Languages : Hindi & English 

Editor - Mohit Sharma



"Latest News-Views-Interviews-Reviews-Previews related to Indian Comics." 

Mr. Rahul Shashank character Cosplay @ Nagraj Janmotsav Event October 2012


2 special Issues - Vol. 2 (Indy Comics Creators Special) & Vol. 4 (Adult Comics Special)

Baali # 3 (Aryan Creations)


कलियुग और त्रेतायुग मे केवल बढ़े पाप का अंतर नहीं है। त्रेतायुग मे दूषित बुराई चिन्हित थी, दिखती थी, अब कलियुग मे बुराई हर और है पर कहीं चिन्हित नहीं है। अच्छाई के साफ़ कणों का आडंबर लेकर बुराई उन जगहों पर भी रच-बस गयी है जहाँ पहले बड़े-बड़े राक्षस जाने से डरते थे। जैसे ऋषि आश्रमों को वहाँ की पवित्रता और रहने वालो के साफ़ हृदय के कारण पहले युगों मे एक अभयदान मिला रहता था बुरी शक्तियों से पर कलियुग मे तो खुद आश्रम के संचालक, खुद को ऋषि-मुनि कहने वाले बड़े पापों मे लिप्त मिलते है।


युगों का परिवर्तन तो मुझ बाली के चरित्र से ही लो त्रेतायुग मे मैं बुराई का प्रतीक था पर कलियुग में इतना विष है की त्रेता का पापी इस युग को देख कर दुखी है और उसका तब का चरित्र अब की जनता से बेहतर प्रतीत होता है। मृत्युलोक की परीक्षा का समय अब आया है। सुना है भगवान विष्णु कलियुग मे कल्की अवतार लेंगे, भगवान राम का अवतार लेने पर उन्हें चिन्हित बुराइयों को समाप्त करना था पर अब लगता है उन्हें आकर पूरा युग समाप्त करना होगा। उनके हाथों एक बार उध्धार हो चुका है मेरा कदाचित इस कारण ही इस युग मे पावन आत्मा लेकर लौटा हूँ, जब तक श्री हरी विष्णु अवतार नहीं लेते तब तक पृथ्वी की छदम बुराई से बाली लड़ेगा। मेरा लक्ष्य है इकाई-इकाई संगठित होकर समाज में अपनी जड़ें फैलाते छदम पाप से युग के अंत तक निरंतर युद्ध। दिन पर दिन ....साल दर साल ...दशक दर दशक ....शताब्दी दर शताब्दी ....निरंतर युद्ध! त्रेता में मेरे कर्मो का प्रायश्चित ....निरंतर!!

- Mohit

Other Team Members - Deven Pandey, Ashish  Khare, Eesh Khan, Harish Atharv Thakur.




Saturday, July 20, 2013

Trendy Baba's Upcoming Projects



*) - Sequel of Bonsai Kathayen & Long Live Inquilab coming soon!

*) - Mohit qualified for quarter finals of inaugural Freelance Talents Championship (19 July 2013).

*) - Editing Infra Surkh Shayars (Vol. 1 & 2)

*) - Indian Comics Fandom (Vol. 7) - Regional Comics Special almost ready.

*) - More Kavya Comics (Poetry Comics) in Pipeline.

 
*) - Makeup (Anthony, Raj Comics)



*) - Doga Diaries - 3 (Raj Comics)

*) - 'Maa ka Monologue Hindi' Novel (2014).


50th Online Contest as Judge or Organizer (ICG)

ICG is a group on FB, Blogger & other websites. Honored to be judge of Indian Comics Galaxy's inaugural contest. This is also the 50th online contest I judged or organized till date. (Other contests judged-hosted at RC Forums, Orkut, Blogger, Storywrite, Allpoetry, FB & related websites/communities). 



1. "Dosto...hamein kehte hue badi khushi ho rahi hai k ICG contest khatam hua...yeh contest ICG par hone wala 1st contest tha...experience ki kami ki vajeh se ho sakta hai k ham ne ise sahi se organise na kiya ho...fir bhi yeh hamara pehla paryas tha..jis mein aap sabhi ne hamein sehyog diya...main is mein participate karne wale sabhi members ka shukriya ada karta hoo...aap sab ne bahut kadi mehnat ki...

Here the special thanx for our judge Mohit Sharma ji...

And tnx to our volunteers:
1. Arjun Rathor : inhone contest k adviser ki ahem bhoomika nibhai..
2. Gopal Sharma ji : hamare liye inhone question banaye aur unhein judge kiya...halaki k yeh ek busy person hain...hats off to u sir...
3. Akash Singh Verma: inhone hamare liye pics edit ki...aur contest k liye daily kafi fikarmand hue...
4. Kobi Bheria: inhone first round k question banaye..
5. Akshay Rana :p : inhone kya kiya...main abhi tak samajh nahi paya...:D
6. Sameer Hiwale : inhone apni keemti rai hamein di

shuru mein contest thoda dagmagaya coz sabhi log co operate nahi kar rahe the...baad mein aap sab k co operation se yeh contest achha raha...agar koi galati hui to maaf kijiyega...aage bhi aise contest hote rahenge..plzz inhein seriously lijiyega...aage bade prize honge...

Yeh hain aapke prize...3 winners...3 sets of RC...
DISTRIBUTER: mr. Gopal Sharma
tnx sir...

Bye dosto..."
2. "ResuLt TimE Guys:
ARTIST: TADAM GYADU
QUIZ : SUYASH JAISWAL

STORY WRITING:
AMIT KHERWAN vs UTKARSH SIKRIWAL JUDGE CMNTS : Amit aur Utkarsh dono mey hi bahut potentialhai. Theme k hisaab se rochak stories aur scenes soche dono writers ne. Utkarsh ne apne kirdaar develop kiye aur Amit ne pehle se developed kirdaaro k ird gird kahani banayi. Overll, reader par impact aur uske emotions jagane mey Amit thoda better rahe is theme par banaye apne backdrop aur settings k saath. Mai points to nahi dunga parcontest ka vijeta bata deta hun - Amit Kherwan. Iska matlab ye nahi ki Utkarsh ki ability kum hai bas is particular match mey Amit aage rahe.

Story writing: AMIT KHERWAN

tnx mohit sir k aapne hamare liye waqt nikala...

Story writing mein sirf is baat ki kami khali k utkarsh bro ne apni story poori nahi di...jis vajeh se muqble mein maza nahi aya..

Tnx to participate..

Congratulations to all winners...aap sab apna address Gopal Sharma ji ko msg kar dein..."
 Indian Comics Galaxy Group :
 https://www.facebook.com/groups/618567008169901/

Children's Educational Book Series

Over a dozen books (Hindi & English) with Activity & Games, Moral Stories, Poems & letter Learning, Art, Comics, Puzzles etc aimed at children below 8 years (India). 


 
Published by multiple Publications.

Mass Market Paperback, Total Around 600 pages
 
Published : 2009-2013 by Laxmi Publications, Nutan Publishers, Om Publishers, Vrinda Publications...
Language - English, Hindi

Role : Editor-Author